Shooting Incident | The latest from Bacolod News Media
ISA PATAY SA SHOOTING INCIDENT SA HELVETIA
Patay si Harold Mira, pumuluyo sang Barangay 27, matapos ginluthang sang "riding in tandem" nga mga suspetsado pasado alas 8 sini nga aga sa Helvetia Heights Subdivision, Burgos Extension, Bacolod City.
Suno Kay Chief Insp. Elmer Bonilla, hepe sang Police Station 4, ginlagas sang mga suspetsado ang biktima kag gintiro ini samtang nag sakay sa dyip de pasahero.
Dugang pa ni Bonilla nga ila pa gina usisa kon ano ang motibo kag identity sang mga suspek.
Ginpahayag sang Lola sang biktima nga wala siya sang nahibaluan nga kaaway o atraso ang iya apo.
Dugang nga report gikan sa talatapan ni Bonilla, antis ginluthang si Mira una na nga ginpangluthang sang riding in tandem ang duha ka mga construction workers nga ginkilala sanday Ricky Billones residente sang Brgy Santol banwa sang Binalbagan, may igo sa iya tuo nga bahin sang hawak kag Roy del Rosario residente sang Brgy Estefania siudad sang Bacolod may igo sa iya natuo kamot kag tiil nga lunsay ginabulong sa CLMMRH. Ang insidente lunsay natabo malapit lamang sa ginluthangan kay Mira. Narekober sang kapulisan ang anum ka empty shells kag duha ka slug sang .45 cal.
Padayon pa ang imbestigasyon sang kapulisan sang Police Station 4 kun ano ang pinaka motibo sang kremin kag pagkilala sa mga suspetsado.
Photos:
