Negros Oriental Massacre, 6 members of the family killed including suspect.
Aksyon Radyo report:
ISA KA PAMILYA GINMASAKER ANUM PATAY KALAKIP ANG SUSPETSADO SA SITIO MABIGO, BRGY LAG-IT, TAYASAN, NEGROS ORIENTAL.
Nasapwan na gid lamang ang isa ka pamilya nga lunsay patay sa sulod sang ila poluy-an sa Sitio Mabigo, Brgy Lag-it banwa sang Tayasan Oriental Negros. Ang mga biktima ginkilala nga sanday Eubisita Guillepa, 54 anyos, Feliza Amihoy, 60 anyos, Decoy Amihoy, 22 anyos; Marilou Golez, 14 anyos kag Rhea Mae Guillepa, 8 ka tuig ang edad kag ang suspetsado ginkilala kay Walbet Amihoy 40 anyos nga ginbuno man ang iya kaugalingon matapos ang kremin.
Suno kay Negros Oriental PNP Provincial Director Sr Supt Herman Viñas posible may nervous breakdown ang suspetsado kun ngaa nahimu sini ang kremin. Dugang pa ni Viñas posible wala sa iya paminsaron ang suspect kun ngaa nahimu ang pagpatay sa iya iloy, utod kag mga hinablos.
Samtang sa pahayag naman kay Benjamin Bartolo kaingod sang mga biktima pila ka adlaw wala na nagakaon ang suspetsado nga si Walbet bangud nga posible ginbatyag sini ang pagkapatay sang iya step father nga si JR Golez sadtong Pebrero 14, 2017.
Narekober sang kapulisan ang isa ka 15.5 inches nga patalum nga ginapatihan gingamit sang suspetsado sa kremin.
